Lee Jun Young rimawi lamah kir dawn

South Korean singer, rapper leh actor Lee Jun Young chuan rimawi lamah a kir leh dawn tih a puang. Tun hnaia fan meeting 'Scene by JUNYOUNG' Korea-a a neihah Lee Jun Young chuan amah ngaisangtute hnenah kumin September hian solo comeback a nei dawn tih a lo sawilang tawh a ni. July 21 khan JTBC News chuan industry insider-te thuchhuah angin Lee Jun Young chuan September hian a solo album a tlangzarh dawn tih an lo puang tawh a, he album hi kum 2020-a a tih chhuah a digital single 'AMEN' hnua a a album hmasa ber tur a ni.

Lee Jun Young agency BILLIONS pawhin solo album tlangzarh turin a inbuatsaih mek tih an puang ve leh a, tih chhuah hun tur tak erawh an la puangzar lo. Lee Jun Young hi lemchan lamah pawh hnuhma ṭha tak tak lo nei tawhin, 'When Life Gives You Tangerines', 'Weak Hero Class 2' leh 'Pump Up the Healthy Love' ahte a chang.