2026 World Cup US-a metro area-in hlawkpui ber dawn

Khawvela infiamna huanga in tihsiakna lian ber, 'The Greatest Show on Earth' an tih FIFA World Cup chu nakkum hian neih a ni leh dawn ta a, North America ram pathum - US, Mexico leh Canada ten an thleng dawn a ni. FIFA World Cup hi US-a khawpui lian pahnih, New York leh New Jersey ten an hlawkpui ber dawn niin NYNJ Host Committee official-te chuan an sawi.

FIFA World Cup-a game khelh tur zingah match riat chu New Jersey-a MetLife Stadium in a thleng dawn a, heng zingah hian final match pawh a tel dawn niin an tarlang. He khawpui bik hian inelna neih chhung hian fan leh tourist maktaduai 1.2 vel a hip khawm tura beisei a ni a, hei hian tualchhung economy chu USD tld 3.3 in a tih pun beisei a ni.

2026 FIFA World Cup hi FIFA history-a chhimtu an tam ber ṭum a nih beisei a ni bawk a, a lo berah khawvel hmun hrang hrang aṭangin fan maktaduai ruk chuangin US, Mexico, leh Canada-a match 104 chu an en beisei a nih thu Bloomberg chuan a tarlang. Tournament hi North America ram pathuma khawpui 16-ah khelh a ni ang.