Kum 2020-a IG post like-tu ngah ber CR7-a'n Maradona a thlahna post

Kum 2020 chhunga Instagram-a thlalak post zingah like-tu ngah ber chu Cristiano Ronaldo-a'n fam ta, football legend Diego Maradona a thlahna, an pahniha thlalak dun a dah kha niin like-tu mi maktaduai 19.7 zet an awm.  

Juventus star, CR7 hian IG-ah follower maktaduai 249 chuang neiin, follower ngah ber a ni mek bawk. November thla khan heart attack vanga thi, Maradona nena an thlalak dun post-in, a uina thu leh a thlahna a ziak a ni. 

Kumin chhunga IG-a post like-tu ngah zual panga zinga pali chu mitthi uina/an thlahna post-te an ni.  

CR7 post dawta like-tu ngah leh chu 'Black Panther' star Chadwick Boseman official account aṭanga a thih thu an puanna niin, mtd 19.1 like-tu an awm. Lionel Messi-a'n Maradona thlahna atana a post chuan like-tu maktaduai 16.4 a nei bawk a, pathumna a ni.  Basketball superstar LeBron James-a'n helicopter chesuala thi, Kobe Bryant thlahna a post chu mi maktaduai 15.5 in an like a, like-tu ngah panga a ni. Hetih lai hian pali-naah hian Kylie Jenner a lang ve thung a, a fanu pa, rapper Travis Scott (II) piancham lawmpuina atana a post chuan like-tu maktaduai 16 a nei a ni.