'The Voice' ah Adam Levine kir tum lo

American singing competition show lar tak, The Voice-a hun rei tak celebrity coach lo ni tawh, Adam Levine chuan show-ah hian kir a tum tawh lo tih a sawi. 

The Maroon 5 frontman, Adam Levine hian 'The Voice' hi kum 2011 khan a zawm ṭan a, kum riat chhung coach hna a thawh hnuah kum 2019 khan a chhuahsan a ni. A chhuahsan hnua an kawmnaah pawh a ngai thei hle tih a sawi lang a, he show-a a tel ve chu a damchhung huna a hriatreng tur a nih tur thu pawh a sawi. Hemi rual hian show-a a tel tak loh hnuah hna thawh tur pawh tlem deuhin, a nupui fanaute bulah hun tam zawk a hman theih avanga a lawm thu a sawi. 

Levine hian a Instagram Stories-ah a fan-te tan Q&A session a siam a, hetah hian fan pakhat hcuan 'The Voice' show-ah kir leh turin a ngen a, mahse a kir tawh dawn loh thuin Levine hian a chhang.