Global Citizen Festival headline-ah The Weeknd leh Shakira

Global Citizen Festival 2025-ah Canadian singer leh songwriter, The Weeknd leh Columbian singer-songwriter Shakira te chu headline an ni dawn. Tyla, Arya Starr leh Mariah the Scientist-te an perform dawn bawk. Perform tur dang hi puan belh leh an ni ang.

Ryan Gall leh Hugh Evans te buatsaih, Global Citizen Festival hi kum 2012-a neih ṭan niin, kumtin neih ṭhin a ni. Kumin festival hi September 27 hian Central Park Great Lawn-ah neih a ni dawn a, Hugh Jackman chuan a vawi 11-na atan a host dawn a ni.

2025 Global Citizen Festival hi thil pathumah a inthlurbing dawn a; Africa-a mipui maktaduai khat tana energy pek theihna tur, khawvel puma naupang 30,000 ten zirna ṭha an neih theihna tur bakah Amazon rainforest hectare maktaduai 30 venhimna tur USD mtd 200 hmuhchhuah a tum a ni.