Chris Colfer lehkhabu movie-ah siam dawn

American actor leh singer, Glee star Chris Colfer lehkhabu series 'Land of Stories' adaptation siam a ni dawn tih Warner Bros. in an puang. Studio chuan Colfer-a lehkhabu hi lei chhawngin, filmmaker Phil Johnston chu script ziak tura biak mek a ni. Colfer leh Emma Watts te chu producer an ni dawn a, executive producer atan Rob Weisbach ruat a ni.

Kum 35 mi, Colfer hian lehkhabu 20 a ziak tawh a, Fox series 'Glee'-ah pawh Kurt Hummel lemah a lo chang tawh bawk. Kum 2012 khan ama ziah leh produce 'Struck by Lightning' ah pawh a lo chang tawh a ni. 'Land of Stories' original series-a a hmasa ber, 'The Wishing Well' chu kum 2012 khan tih chhuah a ni a, a chhunzawmna hi panga awmin, a bu rukna leh hnuhnung ber chu kum 2017 ah tih chhuah a ni. Colfer hian prequel series pawh ziak bawkin, bu thum a ti chhuak tawh.