Metallica an la chuai lo

Album thar an tichhuak hnai a, a hmahruai atan hla an tichhuak a, Metallica hlate hi rock chart-ah a hlawhtling mek. Metallica hian an hla ëAtlas, Rise!í an tichhuak a, Billboard Mainstream Rock Songs-ah 22-ah a rawn lang nghal thei. Hei bakah hian an hla dang pahnih chu he chart-ah hian a lang mek bawk.

Hla an tihchhuah hmasak ber ëMoth Into Flameí chu paruknaah a awm mek a, ëHardwiredí hla chu 23-ah a awm bawk. Mainstream Rock Songs chart-a a ruala hla pathum lang thei nei an ni a, kum 2008 khan hetiang dinhmunah hian an lo ding tawh. Hemi kum hian The Day That Never Comes kha pakhatnaah a awm laiin, Cyanide chu 35-naah a lang a, My Apocalypse chu 40-naah a lang bawk.

Tuna Metallica hla lang mekte hi top 25 chung lamah vek an lang a, top 25 chung lama a ruala hla pathum nei thei an tam lo. Kum 2005-a Green Day-in hetiang dinhmun an thlen theih hnua ti thei awm chhun chu Metallica hi an ni. Metallica hian album thar an tichhuak dawn a, an album tihchhuah hnuhnun ber chu kum 2008-a mi Death Magnetic kha a ni. Kha album kha a hlawhtling hle a, Billboard 200-ah pakhatna a luah a, chawlhkar khat chhungin copy 490,000 lai an hralh thei.