Billboard 200-ah BTS

Billboard hnuaiah hian chart chi hrang hrang, K-Pop chart thlengin an nei a, an chart pui ber, album-ah chuan Billboard 200 hi a ni. He album chart-ah hian K-pop band, BTS album ëWingsí chu chawlhkar hnih chhung ngawt a lang tawh a, hei hian BTS hlawhtlinzia a tarlang.

BTS album ëWingsí hi Billboard 200 album chart-ah chawlh≠kar hnih chhung a awm ta a, K-pop zinga Billboard 200-a la awm rei ber chu BTS hi an ni. G-Dragon album kha chawlhkar hnih chhung tho a lang nachungin BTS ropui zawkna chu ëWingsí hi Billboard 200-ah chawlhkar hnih chhung a lang tawh a, chu bakah an album, The Most Beautiful Moment in Life Pt 2, EP kha chawlhkar khat a lang bawk a, K-pop zinga Billboard chalwhkar thum a pumpuia awm thei awm chhun an la ni.

ëWingsí-a hla ëBlood Sweat & Tearsí chu Canada lamah a hlawhtling mek bawk. Canada-a hla mal chart ngaihhlut ber, Billboard Canadian Hot 100-ah 86-na a ni mek. EXO aiin Canada-ah hian BTS an thleng sang zawk a, Billboard Canadian Hot 100-ah a hmain EXO an lo lang tawh a, an hla ëCall Me Babyí kha kum 2015 khan 98-na a thleng thei a ni. He chart-a K-pop lang thei pathumna an ni a, Psy kha a ni a, EXO an ni leh a, BTS an ni leh bawk.