RBI-in mipuite dawhthei turin a ngen

Ramchhung hmun hrang hrangah Rs 500 leh Rs 1,000 note hlui tih thih a nih avang≠a bank-a thleng leh, ATM aṭanga pawisa lachhuak turte an intlar nasa hle a, ATM-ah pawisa lakchhuah tur a tam tawk loh avanga mipui thinrimte chu dawhthei taka nghak turin Reserve Bank of India chuan a ngen.

RBI chuan mipuite chu dawhthei tura ngenin, bank hrang hrangah an sum a tam tawk tih a sawi a, an duh ang zat an lakchhuah vek theihna turin ruahmanna pawh siam a ni, a ti.

Bank ṭhenkhat chuan an khawl a chian loh avangin siamṭhat mek a ni a, hengte hi siam fel a nih chuan mipuite chuan ATM-ah card pakhat hmangin ni khatah Rs 2,000 zel an lachhuak thei dawn a, November 18 hnu lamah chuan card pakhatin Rs 4,000 lakchhuah theih a ni ang.