ACM neihna tur hmun Nashville-ah sawn

Academy of Country Music Awards vawi 55-na chu Nashville, Tennessee-ah neih a ni dawn.

55th Annual ACM hi tun thla khan Las Vegas-a neih turin ruahmanna an siam a, mahse hripui a len avangin sawn hlat a ni. A tirah chuan sawn a nih ringawt thu hi tarlang mah se tunah erawh semna tur hmun thlengin an sawn ta tih buatsaihtute chuan an tarlang.

September 16 hian ACM hi sem a ni dawn a, Nashville  Music City-a Grand Ole Opry House leh Ryman Auditorium-ahte hun hman a ni dawn.

Academy of Country Music CEO Damon Whiteside chuan," Las Vegas-a April-a show kan neih tur kan ṭhulh vanga pawi kan tih hle laiin,  55th ACM Award, Academy history-a a vawi khatna turin  Country Music 'home'-ah buatsaih a ni tur erawh kan phur hle thung," tiin a sawi.

ACM awards hi kum 1966 aṭang khan sem ṭan a ni a, country music huangchhunga chawimawina ngaih hlut a ni. Kumin ACM hi Keith Urban chuan a host dawn a, CBS chuan an broadcast dawn a ni.