Ozone pawp zau ber a phui
European Union Copernicus Atmosphere Monitoring Service (CAMS) chuan North Pole chunga awm, Ozone pawp zau ber nia chhal chu a phui leh ta tih April 23 khan an puang.
CAMS chuan North Pole chunga Ozone pawp zau tak hi mihring thiltih vanga pawp ni loin Arctic polar vortex na tak vanga pawp a nih zawk thu an sawi bawk.
Covid-19 leh lockdown vang a ni lo!
Mi tam tak ngaihdan chuan khawvel hmun tam berah lockdown a nih avangin mihringin 'pollution' an thlen tlem a, hei vang hian Ozone pawp pawh hi a phui leh niin an ngai a, mahse CAMS chuan hei nen hian inzawmna a nei lo tih an sawi thung.
"Polar vortex na tak leh rei tak a awm avanga pawp a ni a, air quality inthlak nen chuan inzawmna a nei lo," tiin twitter-ah an sawi a ni.
March thla tawp lama Arctic chunga thli danglam tak leh na tak, polar vortex-in Ozone zau taka a tihpawp chu a phui leh ta niin livescience.com chuan tarlangin European Space Agency (ESA) chuan he Ozone pawp hi Greenland let thum vela zau a ni tih thuchhuah an siamah an tarlang nghe nghe.