Vawiinah Andrew-a hla thar

Kum 2014 khan lyric video-in Youtube-ah a dah chhuak tawh a, kha a video kha a recording te ti ṭhain, Andrew-a chuan vawiin aṭangin MP3 format-in Mizo Store-ah zawrh chhuah turin a pe dawn.

Andrew-a hla hi 'December' tih hla kha a ni a, kum 2014 khan video pangngai ni chiah loin, a hla thu nena langa cheibawl video-in a loa tichhuak tawh a, kha video kha recording lamah te siamṭhat ngaite siamṭhain vawiin
aṭangin a hla hi Mizo Store-ah a lei theih ang. Hei bakah music video pangngai turin a siam mek bawk. Tunkar chhung emaw tho hian a music video pawh hi kan hmuh a rinawm.

Andrew-a hian a hla 'December' a phuah chhan hi sawiin, "Mitin thinlung≠ah hian Krismas boruak hian hmun a chang nasa tawh em em a, chhungte leh ṭhenrual ṭhate kan inhmuhkhawmna hun leh kan hun pawimawh ber a ni," a ti a, he hun pawimawh hi hlain a chawi a ni.

Ama hla phuah 'Nunna Thar' chuan Ṭhazualah hlawhtlinna a chang hle a, pakhatna pawh vawi hnih lai a luah tawh. Andrew-a chuan, "A lawmawm dan a thuah hnih khawp mai. Kum 2015 khan ka tichhuak tawh a, kuminah TV-ah an dah chhuak a, Ṭhazualah pakhatna a rawn luah leh ta hi ka lawm khawp mai," a ti. "Nunna Thar hla a hlawhtlin mek laiin a film a lo chhuak chiah bawk nen, mipuiin min ngaihhlutsak a, Pathian kaihhruaina leh malsawmna ka dawng nasa khawp mai; a ropui tak zet a ni," a ti.

Nunna Thar film-ah a chang a, Mizo film chhuak tawhah chuan hlawhtling berte zinga mi a ni. Andrew-a chuan, "Film chan hi ka rilruah pawn a awm ngai miah lo a, mahse rinlawk loh deuhin Nunna Thar film-ah a vawi khat nan lemchan lam chu ka ti ve chhin chu a nia...a tir kha chuan ka huphurh khawp mai a, han phat kual ngial te ka tum a, mahse midangte min puihna azarah lemchana tuina thar loeh nuam tihna min neihtir a, a nuam ka ti ta viau. Chan leh zel turte a awm a nih chuan chan leh zel pawh ka pawi ti lo. Pathian thu thu a ni mai," a ti.