Rachel-i tuma tluk rual a la ni lo

Hontrade International Ṭhazual Lengzem 10-ah Rachel Lalnunkimi tuma tluk rual a la ni lo a, pakhatnaah bawk kan hmu leh. A zawnin pakhatnaah vawi hnih a awm ta.

Rachel Lalnunkimi hian 'Ka phur zo lo' hla hmangin pakhatna hi vawi thum a luah ta a, a zawnin vawi hnih a luah. October 3 khan pakhatnaah kan hmu a, chumi hnuah Thangromawia a rawn lang a, Thangromawia chungah rawn invawrh lehin, a zawnin pakhatnaah vawi hnih a rawn awm ta.

Nikum November thla khan David Vanlalpeka nen, Feli Thang≠luah nen Krismas hla 'Tu hrai chawi nge?' tih hla an rawn tichhuak a, kha kha Mizo Idol-a a inlan hnuah Rachel-i music video-a kan hmuh hmasak ber a ni. Chumi hnuah a solo music video buatsaihin hun a hmang chho nghal char char a, kumin July thla khan a solo music video hmasa ber 'Ka phur zo lo' hi a rawn peih ta a ni.

BOG, Hlimhlimi leh RickyDrac te sak 'Tunah' tih chu palina aṭangin pahnihnaah a rawn chho a, pakhatna dinhmun luah thei khawp hla niin a lang. He hla satute hi hming lo nei tawh ṭhah an ni. A hmaa pahnihna F. Zomuanpuia chu pathumnaah a chhuk thla a, pathumna aṭangin Sangkimi Khiangte chu palinaah a chhuk thla bawk. Tunlai rapper lar Lilzo chu top 10-ah a rawn lang thar a, a vawi khat rawn lanaah panganaah a rawn lang nghal.

Top 10 aṭangin DJ Lalvenhimi, Josephine Lalawmpuii leh Thang≠romawia te an chhuak a, top 10-ah mi thar an rawn lang. Lilzo bakah hian Mimi Renthlei chu 'Hrilhan ka mawi si lo' hla nen pasarihnaah a rawn lang a, Mizo band hlawhtling pawl Caseys Secret chu 'Duhaisam' nen 10-naah an rawn lang.

Hontrade International Ṭhazual 10

1 Rachel Lalnunkimi - Ka phur zo lo

2 BOG, Hlimhlimi, RickyDrac - Runah

3 F Zomuanpuia - Min hnem la

4 Sangkimi Khiangte - Lunglam ka vai

5 Lilzo - Ka sawm che

6 Samuela Chhangte - Ka hmangaih reng ang che

7 Mimi Renthlei - Hrilh an ka mawi si lo

8 Tharpuia - Ka hmangaih reng ang che

9 PC Zochhuanmawia- Dolma

10 Caseys Secret - Duhaisam