Doctor Strange sum a lalut hnewqdm

Benedict Cumberbatch-a channa thar, Doctor Strange chuan kar tawp chhung khan USD mtd 43 lalutin, North America box office-ah kar tawp chhunga hlawhtling ber a ni. Doctor Strange film hi Marvel tihchhuah a ni a, kar hmasa leh pawh khan pakhatna a luah tawh.

Doctor Strange hian kar tawp chhunga USD mtd 43 a lakluh belh leh te nen USD mtd 153 zet North America aṭang ringawtin a lalut tawh a, ram dang aṭanga a lakluhte nen USD mtd 492.6 lai a hlawh chhuak tawh a ni.

Dreamworks aṭanga tihchhuah, Trolls chu sum lalut hnem pahnihna a ni a, kar tawp chhung khan USD mtd 35.1 a lalut. He film hi animated movie a ni a, Anna Kendrick leh Justin Timberlake ten aw an thawh. Chawlhkar hnih chhung chhuah a ni tawh a, sum a la lakluh hnem danah a hmuhnawm hle tihna a ni.

Box office movie

“Doctor Strange” - $mtd 43

“Trolls” - $mtd 35.1

“Arrival” - $mtd 24

“Almost Christmas” - $mtd 15.6

“Hacksaw Ridge” - $mtd 10.8

“The Accountant” - $mtd 4.6

“Shut In” - $mtd 3.7

“Boo! A Madea Halloween” - $mtd 3.6

“Jack Reacher: Never Go Back” - $mtd 3.3

“Inferno” - $mtd 3.3