AI Movie 'Artificial' ah Ike Barinholtz

'The Studio' film-a a chetṭhat avanga a vawikhatna atana Emmy nomination hmu tu, American actor leh comedian Ike Barinholtz chuan AI movie lo awm tur 'Artificial' tihah Elon Musk lem a chang dawn. David Heyman leh Jeffrey Clifford te chu producer an ni dawn a, Jennifer Fox pawh producer tur zinga sawilan a ni.

'Artificial' hi Amazon MGM siam tur niin, Andrew Garfield leh Yura Borisiv-te pawh a changtu zingah an tel dawn. Movie hi kum 2023-a artificial intelligence company OpenAI CEO Sam Altman-a ban a nih leh hemi hnu lawka hna thawk tura ruat nawn a nih chungchang a ni dawn nia sawi a ni. OpenAI co-founder hi Elon Musk niin, company enkawl dan turah an thu a inhmuh loh avangin Altman nen hian an kalhrang a, in tihbuaina hial a thlen ta a ni.