Kiss-Cam viral hnuah Coldplay stream a pung

Coldplay Concert Kiss-Cam a viral hnuah an band stream chu 25% ah a pung chho. Luminate data aṭanga a lan danin, Grammy award vawi sarih lo dawng tawh band on-demand audio stream chu 25% in a pung tawh. Boston-a concert an neih hma ni ngaah khan Coldplay hian stream mtd 28.7 an nei a, Kiss-Cam a viral hnu ni ngaah stream hi maktaduai 35.7 ah a pung chho a ni.

He Kiss-Cam viral video-a mualpho ta, Astronomer CEO Andy Byron chuan banna a theh lut tawh a, company in rintlak ni tura hruaitu a beiseina tehfung chu a tlin lo niin a sawi a, a banna hi pawmsak a ni. Kiss-Cam a mualpho pui, an company Human Resource chief, Kristin Cabnot pawhin banna a theh lut ve tawh bawk.