Icon star Mawimawia MV thar a chhuak dawn

Youth Icon star Ramengmawia, Mawimawia chuan zanin dar 7 hian music video thar, a film channa "Thinlung Thawnthu" Original Soundtrack a ti chhuak dawn.

'Thinlung Thawnthu' ah hian Mawimawia hi a changtupa a ni a; Diki Khawbel, Melissa Hnialum, Puipui fanai leh Samsona te pawh an chang a, lemchan lamah pawh a duai lo hle. He film hi Fanai Pictures siam a ni a, an film siam palina a ni. Mawimawia music video thar hi a movie story nena in mil thlap, tu tan pawh feel pui veng veng theih tur chi a ni a, a mawi hle. A hla hi ama phuah niin a bridge erawh Rda Fanai (fanai pictures) in a siam ve thung a, music & recording hi Westend studio niin, video Blego pictures kutchhuak a ni.