Billboard-ah Christian music stream 60% in a pung

Khawvel pumah rimawi hrang hrangte streaming platform aṭanga awlsam taka ngaihtlak theih an nih tak hnuah rimawi ngaithlatu an pung zel a. Christian music pawhin hma sawn zelin kumin chhungin Billboard lamah pawh ngaihhlut a hlawh chho mek. The Christian Post-in a tarlan danin Billboard-a Christian rimawi ngaihthlak ṭhin chu 60% in a pung.

Kumina Christian music chhuak thar zingah Alex Warren album, February-a a tih chhuah 'Ordinary' chu a che ṭha hle. Ani bakah Forest Frank leh Brandon Lake-te album pawhin ngaihthlak a hlawh hle bawk. Kum dang ang lo takin heng Christian rimawite hian Billboard Hot 100-ah No.1 dinhmunte hauh phain, Alex Warren 'Ordinary' chu America-a hla ngaihthlak tam ber pawl a nih theih bakah chart-ah kar 20 chuang a lang tawh.

Forest Frank chu tun hnaiah thawm a nei lian thar hle a, nikum khan gospel music award, Dove Award-ah 'New Artist of the Year' ah thlan a ni. Christian rimawi ngaihhlut hlawh thar chhan hi 'American Idol' thlanna kaltlanga ualau taka Christian contestant-te chawilar ṭhin an nih vang niin a ngaih theih tih Christian NEWS chuan an tarlang.

American Idol Judge Luke Bryan pawhin American Idol season 4 winner, Carrie Underwood-in huaisen taka a rinna te a tarlan ṭhinna chuan Idol show-ah Christian music perform an pung a, an rinna pholang ngam turin midangte a hneh a ni, a ti.