Vanglaini Bihchianna: Entrepreneur Huang - Vinco Farm

Bul ṭan dan

Vinco tih hi R. Vanlalhluna fapate pahnih, Vincent leh Nicholas hming lak kawp hmanga phuah a ni a, Vinco Construction tiin kum 2003 khan din a ni. Road leh Building Construction hi CEO R. Vanlalhluna hnuaiah a la kal reng. Kum 2021 khan Vinco Farm hi an din leh a, kum khat chhung MZU BioNEST-ah incubatees (MZU hnuaia awmin) niin, chumi hnuah product research chhuahte siam chhuak (production) turin hma an la ṭan a ni.