Nintendo-in Mario leh Princess Peach inkar sawi chiang

Video games lar leh ngaihven hlawh, Mario siamtu company Nintendo chuan an game-a Super Mario leh Princess Peach-te inkar chu an rawn puang chiang ta. Nintendo Today App kaltlangin Mario leh Princess Peach-te chu in ngaizawng ni loin ṭhian ṭha tak, mamawh huna in pui ṭhin an ni zawk tih an tarlang.

Nintendo game lar, Super Mario khel ṭhinte chuan Princess Peach hi Mario bialnu anga ngai leh ring nghet bur kan tam hle ang. Mario movie lo tih chhuah tawhah pawh Mario leh Princess Peach inkarah hian in laichinna romantic tak awm anga tarlante a lo ni tawh ṭhin. Mahse kan rin loh leh beisei loh takin a siamtu company lam hian 'Ṭhianṭha tak' chauh an nih thu an rawn tarlang leh ta zawk a, social media platform hrang hrangah pawh a darh zui nasa hle.