'Border 2' ah Medha Rana leh Varun Dhawan

Bollywood war epic movie 'Border 2' ah Varun Dhawan bakah tunlaia lar chho mek, Medha Ranan te chu a changtu ber an ni dawn. Kum 1997-a tih chhuah, 'Border' film kha kum 1971 hunlai anga chan a ni a, actor leh Lok Sabha member hlui Sunny Deol chu a changtupa niin, Longewala ramria India sipai battalion tlemte leh Pakistan strike force-te indo chungchang a ni.

'Border 2' hi Anurag Singh direct niin, Gulshan Kumar leh T-Series bakah J.P. Dutta film-te buaipui a ni a, January 23, 2026 ah tlangzarh a ni ang.

'Border 2' ah hian Deol bakah Diljit Dosanjh te pawh an inlan. 'Border 2' hi 'Border' chhunzawmna a ni lo a, character thar, indona thar a nih dawn bakah Deol pawhin a character ngai a chan chhunzawm dawn lo a ni.