Hayley Williams-in hla 17 tlangzarh

Paramore lead singer Hayley Williams chuan a fan-te ṭhawngin, a website-ah hla thar 17 lai a rawn tlangzarh. Fan-te chu access code pek niin, chumi hmang chuan web page-ah lutin heng hla thar zingah hian 'True Believer', "Mirtazapine', 'Hard', 'Negative Self Talk', 'Discovery Channel' leh 'Zissou' te an ngaithla thei a ni. Hei bakah folder 'Misc' tihah kum 2017-a Phoenix-a a performance video a en theih bawk a, lyric book thlalak leh 'Hayley Williams is my favourite band' t-shirt a awm bawk a ni.

Hayley hian kumin kumtir lam khan Moses Sumney nen single 'I Like It I Like It' tih an ti chhuak a, Paramore band anga a chetchhuah bakah, kum 2020 khan a solo album 'Petals for Armor' a tlangzarh. Kum 2021-ah 'Flowers for Vases/ Descansos' a ti chhuak leh a, EP pathum a ti chhuak bawk.