'Avatar: Fire and Ash' trailer a chhuak ta

Disney chuan director James Cameron kutchhuak thar ber 'Avatar: Fire and Ash' trailer chu an ti chhuak ta a, clan thar 'Ash people' an tih mai chu an rawn lang thar. Kumin December 19 hian theater-a pek chhuah tum a ni.

Director Cameron-in a sawi lawk tawh angin, Pandora-a cheng mi thar kan hmu thei dawn a, mit ti tlai tak tur a ni leh ngei dawn.

Sam Worthington leh Zoe Saldana bakah Ash people hruaitu Varang lemah Oona Chaplin chu a rawn chang dawn bawk. Varang hian mei alh thunun theihna neiin a sipai koham tak te nen Pandora ram ngaw an tih alh hluah hluah laite trailer-ah hian a hmuh theih nghe nghe.

Avatar film hnunhnung ber 'Way of Water' leh chhuak thar tur 'Fire and Ash' hi film pakhat tura tih a ni a, mahse Cameron hian movie pahnih angin a ti chhuak ta zawk niin an tarlang. Cameron hian 'Fire and Ash' bakah hian Avatar franchise film dang pahnih a la awm belh dawn niin a tarlang bawk.