Australia-in naupang tan YouTube ban dawn

Australia chuan an rama naupang kum 16 chin hnuailam tan social media platform hrang hrang hman a khap zingah YouTube pawh telh leh a tum. Facebook, Instagram, Snapchat, leh TikTok chu kum 16 hnuai lam tan a lo khap tawh a ni.

Social media platform an khap zingah YouTube hi an ti tel lo. Mahse, naupangah nghawng ṭha lo a thlen ve thei tih hmuh chhuah a nih hnuah khapna hi kumin December aṭanga kalpui ṭan tum a ni. He khapna hnuaiah hian kum 16 hnuai lam tan YouTube-ah account an siam phal a ni dawn lo a, an siam a nih chuan YouTube chu USD mtd 49.5 thleng chawitir theih a ni ang.

Australia eSafety commissioner Inman Grant chuan, naupang 2,600 chuanga zirchianna an neih thar berah, 40% dawn chu YouTube kaltlanga naupang tana pawi thei en ṭhin an ni tih an hmuhchhuah thu a tarlang. Hei vang hian dan thar siam tur hian sorkarah thlen a ni ta a ni. Dan siam thar turah hian naupangte YouTube en khap a ni lo a, mahse kum bithliah an siam chinte erawh account siam khap a ni dawn tih Grant chuan a sawi.