Hunger Games stage adaptation-ah Mia Carragher

American science fiction dystopian adventure film, Suzanne Collins novel series behchhana siam 'The Hunger Games' chu a vawi khatna atan stage adaptation an buatsaih tih July 29 khan an instagram account-ah an puang. 'The Hunger Games: On Stage' ah hian actress lar chho mek Mia Carragher chuan crossbow-wielding protagonist Katniss Everdeen lem a chang dawn.

'The Hunger Games: On Stage' hi Suzanne Collins lehkhabu behchhana siam tho niin, kumin October 20 hian London-ah tih chhuah a ni ang. Kum 20 mi Carragher chuan Katniss lem a chang tur chu a phur thu sawiin, a social media-ah thal kah lama a thiam thil lanna video-te pawh a post a ni. Tring Park School for the Performing Arts aṭangin training a zawh hnuah, Lee Stasberg Theatre and Film Institute-ah a zir zawm leh. Channel 4 tan 'The Gathering' ah a lo inlan tawh a, Playground Entertainment buatsaih 'Maigret', 'Let's Love and Mistletoe and Wine'-ah a inlan bawk ang.