Strummingbird Festival-ah Jelly Roll & Shaboozey headline dawn

Australia-a music ngainatute tana festival siam thar, Strummingbird Festival chu Sunshine Coast-ah kumin October 25 hian neih ṭan a ni dawn. Festival headline turte chu nimin Ninganni khan puan niin, American rapper-singer Jelly Roll leh Shaboozey chuan festival ṭanniah an headline dawn. Artist pahnihte hi Australia-a an inlan dunna hmasa ber tur a ni.

Artist pahnihte hi Australia-ah hian tun hnaiah an lar zual hle , Shaboozey an kum 2024-a single a tih chhuah 'A Bar Song (Tipsy)' chu Australia-ah a che ṭhat pui hle. A ni ang bawk hian Jelly Roll pawhin a album 2024-a a tih chhuah 'Beautifully Broken' chu Australia-ah hian a chet ṭhat pui hle a ni. Heng avang hian festival headline tura thlan an nih ring pawh an tam hle.

Anni bakah artist in lan tur puan zingah American leh Autralian artist an in pawlh nuk a, Virginian quartet The Jack Wharff Band, Treaty Oak Revival, Illinois’ Drew Baldridge, Julia Cole-te pawh an lang. Strummingbird Festival hi October leh November thla chhunga hman tura ruahman a ni.