Zaninah Mawla loves Mawli tlangzarh dawn

Mizo film hmuhnawm tam tak lo chhawp chhuak tawhtu, Leitlang Pictures film thar, 'Mawla loves Mawli' chu zaninah Vanapa Hall-ah tlangzarh a ni dawn.

'Mawla loves Mawli' ah hian Tommy Rosangliana, Rinzuala, Rosy Lalramthlengi leh Gilbert Colney-te chu an chang a, a changtuten an zir bawk a, tih chhuah a nih hma aṭangin ngaihven a hlawh hle. A film hi hmangaihna dik tak, ṭhianṭha leh inpumpekna chungchang a ni a, scene pahnih khat hi Lunglei-ah chan niin a bak chu Tuipui D ah vek chan a ni. Film siamna atan hian thla hnih dawn hun an hmang.

Director hi Mapuia Chongthu niin, a story hi Nuna Hrahsal nena an siam a ni a, screenplay hi Nuna Hrahsel ziah a ni bawk. A film pumpui hi VivoX200 pro hmanga shoot a ni a, hei hi film siam lama tui, hmanrua nei lote motivate pahna atana an tih a nih thu Mapuia Chongthu chuan a sawi.