Shakira-in Mexico-ah concert ticket mtd 1 a hralh

Shakira chuan Las Mujeres Ya No Lloran World Tour a neih mekah, Mexico-ah ticket mtd 1 a hralh tling tih promoter OCESA chuan Ningani khan a tarlang.

OCESA chuan Mexico City-a Estadio GNP Seguros-ah Shakira-in show vawi 12 a neihna tur atan ticket te chu hralh zawh vek an ni tih sawiin, 'Mi maktaduai 129 chenna ramah ticket maktaduai han hralh theih mai chuh,' tiin pui an ti hle. Shakira hian Estadio GNP Seguros-a a zawna show vawi sarih a neih hnuah, August 26 leh September 18 inkarah concert vawi nga a nei leh dawn.

A world tour neih mek hlawhtlin em avangin Billboard Boxscore in mid-year ranking a siamah “Hips Don’t Lie” singer hi No 1 ah a awm a, tour aṭang hian June thla thleng khan USD mtd 130 a hmu chhuak tawh a ni.