Indonesia-in 'One Piece' Jolly Rogers khap lo

Tun hnaiah Indonesia-ah Japan animation series 'One Piece' Jolly Rogers (Straw hat Pirate flag) chu sorkar kalphung duh lohna lantirna atana hman niin video leh thlalak a darh nasa hle. Straw hat Pirate flag hi khap ang hiala sawi ni mah se, sorkar lam erawhin khap a nih loh thu an sawi thung.

Indonesia-ah hian August 17 khian an ram Independence Day vawi 80-na an lawm dawn a, hetih lai hian mipuiin sorkar duh lohna lantirna atan Straw hat Pirate flag chu ram flag tarna bul bakah, lirthei leh flag tarna hrang hrangahte tarin a lar thar hle.

Indonesia deputy home affairs minister Bima Arya Sugiarto chuan khap a nih lo thu sawiin democracy ramah mipuite hian danpui kalh zawng a nih loh chuan an rilrute chu an auchhuahpui thei a ni, a ti.President Prabowo Subianto pawhin," One Piece flag lar chu mipui ten an beiseina leh an rilru chhungril an au chhuahpui naah kan ngai a ni" a ti ve bawk. One Piece universe-ah hian Jolly Rogers chu dik lo taka thuneihna kenkawhna hlau loa dodalna leh zalenna lantirna atan hman a ni.