'My Daughter Is A Zombie' a che ṭha

South Korean comedy horror drama film, Jo Jung Suk, Cho Yeo Jeong, Lee Jung Eun, Yoon Kyung Ho, leh Choi Yu Ri-te channa, 'My Daughter Is A Zombie', July 30-a tlangzarh chu Korean box office-ah a che ṭha nghal hle.

Korean Film Council chuan August 2, an ram huna zing dar 7 thleng khan he film entu mi 1,146,221 an awm tawh tih an puang. Tlangzarh a nih aṭanga ni li a liam hmain mi mtd khat chuangin an en tawh. Kum 2025 chhunga Korean box office-a film entu mtd khat nei tling thei hmasa ber niin, 'Mission: Impossible- The Final Reckoning' leh 'Mickey 17' te a rawn khum thei a ni. Kar hmasa chhung khan 'My Daughter Is a Zombie' hi kum 2025 chhunga Korean box office-a entu ngah ber niin, Korean comedy film-a kum nga chhunga non-series Korean film tlangzarh tawh zinga entu ngah ber a ni bawk.