G-Dragon leh Vince thawkdun

Animated film, "KPop Demon Hunters" songwriter Vince leh Korean boy band BIGBANG member G-Dragon thawkdun chuan hla thar an ti chhuak dawn.

August 1 khan THEBLACKLABEL chuan Vince hian G-Dragon nen hla thar an ti chhuak dawn tih an lo puang tawh a, single thar tur hi 'CHA CHA CHA' tih niin, August 18, an ram huna zan dar 6-ah tlangzarh a ni ang. He hla hi R&B hip hop track, ngaihthlak nuam tak ni tura sawi a ni.

Vince hi THEBLACKLABEL producer niin, BIGBANG Taeyang, Jeon Somi, MEOVV leh ALLDAY PROJECT te hla hit ṭhenkhatah a lo thawhpui tawh bawk. November 2023 khan a EP hmasa ber 'The Drive' a lo ti chhuak tawh a ni. 'KPop Demon Hunters' ah songwriter niin, Saja Boys 'Soda Pop' ah co-producer a ni a, 'Your Idol' tih hla pawh a siam bawk a ni.