WhatsApp-in India-ah account nuai 98 chuang a 'ban'

Instant messaging platform, WhatsApp chuan June thla chhung khan platform hmansual leh midang tana harsatna thlen thei thil titawp tura an hmalakna kal zelah India ramah account nuai 98 chuang an 'ban'.

WhatsApp hian an dan bawhchhia bakah user complaint an dawn behchhanin account hi an ban ṭhin. India Monthly report a tihchhuahah, WhatsApp chuan account nuai 19.79 vel user lamin complaint an siam hmaa an 'ban' a ni.

June thla khan India aṭangin complaint 23,596 an dawng bawk a, endik a nih hnuah complaint zinga account 1,001 chu enfiah niin a ṭhen chu 'ban' an nih laiin an lo 'ban' tawh ṭhenkhat chu hremna tihtawp a ni thung. Complaint an dawn zinga a tam zawk, 16,069 chu 'ban' an nihna titawp tura ngenna lam a ni.