'Artificial'-ah Monica Barbaro chang dawn

American actress, oscar nominee pawh lo ni tawh Monica Barbaro chu Luca Guadagnino film 'Artificial' ah a chang dawn tih puan chian a ni ve leh ta. Barbaro hi Andrew Garfield, Cooper Hoffman leh Cooper Koch te nen an chang ho dawn a, Ike Barinholtz pawh he film-a chang tur hian biak mek a ni bawk.

Kumin kumtir lam khan Barbaro hian 'A Complete Unknown'-ah folk singer leh activist Joan Baez lem a chan avangin Academy Award nomination a lo hmu tawh a, 'Top Gun: Maverick' ah pawh lo chang tawhin, Amazon MGM-a 'Crime 101'-ah Chris Hemsworth, Mark Ruffalo leh Barry Keoghan-te nen an chang ho dawn bawk a ni. 'Artificial' script ziaktu hi Simon Rich niin, producer turte hi Heyday Films-a David Heyman leh Jeffrey Clifford bakah Jennifer Fox-te nen an ni.