Oscar-in movie theatre rule a thlak

Oscar award-ah dan dinglai kum khat chhung atan her danglam hret a ni a, hripui a leng miau a, award dawng thei tur criteria pawh her danglam a ngai hial.

Dan pangngaiah chuan Academy of Motion Picture Arts and Sciences chuan Los Angeles theatre-a ni sarih tal chhuah hman chin hnenah film lama chawi­mawina ngaihhlut hi an pe ṭhin. Kuminah erawh hripui a leng a, film industry nasa takin a nghawng a, hemi vang hian big screen-a chhuah hman kher loh film-te chu Oscar an dawng thei dawn.

Academy chuan thu­chhuah siamin,"Thuleh awm hma chu, 93rd Aca­demy Awards atan chauh, film tlangzarh tura ruahman vek tawh commercial strea­ming platoform-a tih­chhuah takte chu tlinga pawm an ni ang," tiin an tarlang.

93rd Academy Awards hi February 28, 2021-ah sem a ni ang.