'The Christmas Ring'-ah Jessie James Decker

Lemchan lama a vawikhatna atan American singer Jessie James Decker chu Karen Kingsbury film 'The Christmas Ring' ah a chang dawn. Decker hi country singer niin, a pasal Eric Decker nen E! unscripted series 'Eric & Jessie: Game On' ah an lo in lan dun tawh a ni.

'The Christmas Ring' hi kumin November 6 hian tlangzarh tura ruahman a ni a, he film-ah hian Debbie Winans, Kelsey Grammer, Benjamin Hollingsworth leh Jana Kramer te pawh an chang dawn. Kingsbury lehkhabu ziah 'The Christmas Ring', October 2021-a tihchhuah behchhana siam niin, Tyler Russell chu director a ni ang.

Decker hian kum 2017 khan a studio album pahnihna 'Southern Girl City Lights' chu tlangzarhin, Christmas album pahnih a ti chhuak tawh bawk a, beauty and lifestyle entrepreneur a nih bakah, fashion designer leh author a ni bawk.