Instagram live feature thlak danglam

Social networking service Instagram chuan an platform-a live feature chu user eng emaw zat tan an thlak danglam. An dan thar siamah hian live service hi follower 1000 aia tlem lo neite leh an account public-a dahte chiahin an hmang thei tawh dawn a ni.

Tun hnai khan Meta chuan thuchhuah siamin, user-te account venhimna atana dan thar a puan zingah kum 16 hnuai lam chuan an nu leh pa phalna la loin Instagram-ah live video broadcasting an ti thei tawh dawn lo bawk.

High-profile influencer-te erawh chuan harsatna awm loin live video streaming hi an nei chhunzawm thei dawn a ni. Instagram chiah hi he dan siam an ni loa, TikTok-ah follower 1,000 nei tling lo te chuan live video an siam thei loa, YouTube-a live stream nei tur chuan subscriber 50 tal an neih a ngai bawk.