GTA 6-ah Lazlaw Jones lang tawh dawn lo

Gaming huanga games ngaihhlut leh ngaihven hlawh, Grand Thief Auto 6 chu a siamtu company Rockstar Games chuan tihchhuah a nih hun tur an sawn hlat hnuah, GTA 3(2001) aṭanga radio DJ anga inlan ṭhin Lazlow Jones chu a lang tawh dawn lo tih Nerd Reactor-in an kawmnaah an sawi.

Lazlow Jones hi GTA khel ṭhin chuan kan hre ṭheuh awm e, GTA: San Adreas(2004)-ah khan co-writer a nih bakah in-game media leh 'Entertaining America on WCTR' kha original host Billy Dexter, Jack Hawitzer-in a game-a a thah hnu khan a host chhunzawm a nih kha. Hemi hnu hian GTA game franchise tihchhuah tawh ho GTA 5 thleng khan a inlan a ni.

GTA 6 atana a in lan tawh loh tur chhanah hian Lazlow Jones chuan Rockstar Gaming chu kum 2020 khan a chhuahsan tawh thu leh, Dan Houser hnuaiah 'Absurd Ventures' atan a thawh mek thu a sawi lang. GTA 6 hi May 26, 2026 hian tihchhuah tum a ni a, Rockstar hian game trailer pahnih leh character detail-te an lo tichhuak zeuh zeuh tawh.