'Maximum Metallica' hawnnaah Metallica perform dawn

American heavy metal band Metallica chuan August 28 hian SiriusXM music channel thar "Maximum Metallica" hawnnaah special club concert an nei dawn. Concert hi Stephen Talkhouse, Amagansett, Long Island-ah neih tur a ni a, August 29 hian channel chu Channel 42 leh SiriusXM app-ah official-a tlangzarh a ni ang.

SiriusXM subscriber-te leh fan-te chuan concert hi an en thei dawn a, show hi Maximum Metallica, channel 42-ah kar khat chhung pek chhuah a ni dawn a, SiriusXM app-ah pawh dah thuai a ni dawn. Hei bakah concert hi Howard Stern SiriusXM channel Howard 101-ah September 5 zan dar 7 ah tihchhuah a ni bawk ang.