MUP Band 'Rimawi tum pawl' in MV tichhuak

Mizoram Upa Pawl (MUP), Chaltlang Branch member 3 - H. Lalchhunga (78), Dr. Malsawma (73) leh Lalhmingmawia Kawlni (70) te chuan Mizoram chhung leh pawna Zofate leh MUP member, an ṭhatlai huna YMA member rinawm tak lo ni tawh ṭhinte tan 'Rimawi tum pawl' band an din a, an music video hmasa ber an tichhuak.

'Rimawi tum pawl' band ang hian Branch Golden Jubilee lawmna November 5, 2024-ah pawh member-te lo awi tawhin, kumin April ni 29 khan Vanapa Hall-a MUP General Assembly neihah pawh rimawi an lo tum tawh bawk. An rimawi tum zingah Mizo hla phuah thiam, Rokunga(F) hla phuah - Ro min relsak ang che, Kan Zo tlang ram nuam, Tlawmngaihna hlu, Ka pianna Zoram nuam, Chite luipui, Sangha vuak hla, Aw hun leh kumte an ral zel a, Lei mawina thinlai tihlimtu, Lungduh inṭhenna ram, Turnipui kan do dai, Hunte an inher liam zel a tih leh I hun i hmang ṭha em? tih chu Music Video-ah siamin YouTube-ah MUP Chaltlang Branch Music Video tiin dah a ni.