Netflix-ah 'KPop Demon Hunters' che ṭha

American animated musical urban fantasy film 'KPop Demon Hunters' chu July 28-August 3 chhung khan Netflix Top 10-ah kar sarih chhung a lan tawh mai bakah, streamer-te'n an en nasat ber pawl a ni ta. June 20-a tihchhuah a nih aṭang khan entu mi mtd 158.8 a nei tawh a, sap ṭawnga siam film chart-ah palina dinhmun a hauh tawh.

He film hi Sony Pictures Animation siam niin Netflix-in an tlangzarh a ni. Film soundtrack album pawh a hlawhtling hle a, music streaming chart hrang hrang top 10-ah a lang thei.

July 28-August 3 kar chhunga 'KPop Demon Hunters' in a khum loh awmchhun chu 'Happy Gilmore 2' a ni. Adam Sandler comedy hian Netflix-a tihchhuah a nih karah view mtd 40.8 a nei a, tihchhuah a nih kara view mtd 46.7 a neih aiin a tlahniam thung. No 3-ah 'My Oxford Year' a lang bawk a, ni thum chhungin view mtd 24.6 a nei a ni.