'One Piece' season 3 siam dawn

Japanese manga series 'One Piece' live-adaptation season 3 chu Netflix-ah siam a ni leh dawn. He thu thar hi Tokyo-a One Piece Day lawmnaah puan niin, Ian Stokes chuan Joe Tracz chu Season 3-ah hian co-showrunner atan a zawm dawn a ni. Stokes hi Season 1-ah co-executive producer a lo ni tawh a, season thumna production hi kumin kumtawp lamah Cape Town, South Africa-ah neih a ni ang.

'One Piece: Into the Grand Line' season 2 pawh tihchhuah ni tur puan ni lo mah se, Netflix-ah kum 2026 hian a chhuah hman beisei a ni. He show hi Matt Owens leh Steven Maeda te siam a ni a, season 1 co-showrunner an ni bawk. Inaki Godoy, Mackenyu, Emily Rudd, Jacob Romero, Taz Skylar te chu a changtu berte an ni.