Hamilton musical play-in Plymouth tan hlawkna thlen

US zalenna sual laia thawhhlawk tak mai Founding Father leh US secretary of Treasury hmasa ber ni bawk, Alexander Hamilton chanchin hla hmanga puan chhuahna chu Theatre Royal Plymouth, UK-ah kar nga chhung chhuah a ni tawh a, Playmouth khaw tan nasa takin sum lak luh a ti pung niin BBC chuan a tarlang. Hamilton musical show vangin Plymouth khaw sum dinhmun hi GBP mtd 8 velin a pun phah.

Hamilton musical hian kum 2016-ah Tony Awards 11 a dawng, 2016-ah vek Pulitzer Prize for Drama, Grammy Award for Best Musical Theater Album a dawng bawk. "Hamilton" creator Lin-Manuel Miranda chu kum 2019 khan Kennedy Center Honor hlan a ni.

Musical play hi Hip-Hop, leh R&B music zulzuia siam a ni a, ngaihthlak a nuam in a ngaihnawm hle. Theatre Royal Plymouth-a ram dang aṭanga show en tura kal zinga tam zawk chu Australia, USA, Malaysia, China leh Singapore aṭangin a ni. Hotel-ah thlengin theatre hnaih hotel hrang hranga khum 4,200 chuang chu a awl hman meuh lo niin an tarlang.