Colin Farrell-a'n Golden Icon Award dawng dawn

Irish actor, Oscar nominee pawh lo ni tawh Colin Farrell chuan Zurich Film Festival, kumin September 27-a neih turah psychological thriller 'Ballad of a Small Player'-a a performance ngaihhlutna leh a career-a a hlawhtlinnate chawimawina atan Golden Icon Award a dawng dawn.

'Ballad of a Small Player' hi Edward Berger direct niin, 2014-a Lawrence Osbourne novel behchhana siam a ni. Farell hian film eng emaw zatah a hming lo chher tawhin, chung zingah chuan 'In Bruges', 'The Banshees of Inisherin', 'The Lobster', 'The Batman', leh 'Minority Report' te pawh an tel. Director zingah Sofia Coppola, Yorgos Lanthimos, Steven Spielberg, leh Tim Burton-te pawh a lo thawhpui tawhin, 'The Banshees of Inisherin' hmangin Golden Globe, Venice Best Actor award leh Academy Award-ah nominate a lo ni tawh bawk a ni.