Taylor Swift album thar tichhuak dawn

August hla hmanga fans an in awih mek laiin American singer leh songwriter Taylor Swift chuan nimin khan a studio album 12-na "The Life of a Showgirl" a tichhuak dawn tih a puang. Album thar puanna turin a official website-ah Thawhṭanni aṭang khan countdown neih ṭan niin nimin zing lam 12:12 khan countdown tawpin puanzar a ni ta. Hetih laiin engtikah nge official-a tlangzarh hun tur tarlan a la ni lo, mahse vinyl, CD leh cassette edition-te pre-order theih a ni tawh thung.

Swift hian album hnuhnung ber "The Tortured Poets Department" kha 2024 ah tichhuakin, kum khat hnuah album tharin fans a rawn surprise leh nghal dawn e. Album hnuhnung ber kha a chet ṭhat pui hle a, Eras tour nikum December-a a hmawrbawk aṭangin sum lakluh tam lamah record a siam thei bawk.

Album thar pawh fans tan a nghahhlelhawm leh hle ang. Album thar atana artwork-te chu a bialpa Travis Kelce leh a unaupa Jason Kelce podcast 'New Heights', vawiina tih chhuah turah tarlan a nih beisei a ni. Hei bakah hian tlangzarh a nih hun tur pawh puanzar nghal a nih rin a ni bawk.