'John Rambo' ah Noah Centineo

American actor Noah Centineo chu Millennium Media 'Rambo' prequel "John Rambo" ah John Rambo lemah a chang dawn. 'Rambo' film hmasa ber kha 1972-a David Morrell novel 'First Blood' behchhana siam a ni a, film panga siam ni tawhin, chungte chu 'First Blood' (1982), 'Rambo: First Blood Part II' (1985), 'Rambo III' (1988), 'Rambo' (2008) leh 'Rambo: Last Blood' (2019) te an ni a, khawvel pumah USD mtd 800 chuang an la lut a ni.

Centineo hi 'The Fosters' a chan hmangin ngaihven a hlawh chho ṭan a, Netflix American teen romantic comedy film 'To All the Boys I’ve Loved Before' ah pawh a chang leh a ni. Kum 2022 khan Dwayne Johnson nen 'Black Adam' ah an chang dun. Tun hnai khan Ray Mendoza leh Alex Garland-te direct 'Warfare' ah Brian Zawi lemah a chang bawk.