Shrek 5 tlangzarh hun tur sawn hla

American animated fantasy comedy film, Shrek 5 chu a vawi hnihna atan tlangzarh hun tur an sawn hla leh ta. DreamWorks Animation chuan Shrek sequel hi a tirah kumin nipuia tlangzarh turin an ruahman a, December 2026-ah sawn hla lehin, tunah hian June 2027-ah an sawn hla leh dawrh a ni.

Film tihkhawtlai chhanah hian thuchhuah mumal awm lo mah se, fan-te leh news outlet ṭhenkhat chuan December 2026-a tihchhuah tur Avengers: Doomsday, Dune: Part III, leh Ice Age 6-te nen in el an duh loh vang niin an ngai.

Fans lam chu vawi hnih sawn hlat a nih tak avangin an lungawi lo tawh viau. Shrek hmasa ber kha 2001-a tihchhuah a ni a, khawvel pumah USD mtd 487 a la lut tling tawh.