Gaming News Republic Day-ah FAU-G

India sorkarin Players Unknown Battle Ground (PUBG) Mobile a ban hnu lawk aṭanga thawm nei ve reng, an tlangzarh hleihtheih loh Fearless and United Guard (FAU-G) chu Republic Day, January 26 hian tlangzarh a ni dawn.

Sorkar laipuiin PUBG Mobile India rama a khap hnu lawk aṭang khan PUBG ang chi, India kut chhuak FAU-G chu siam a ni dawn tih puan nghal a ni a, mahse an tlangzarh lawk thei lo a ni. Bollywood superstar Akshay Kumar chuan twitter-ah he game tlangzarh hun tur hi a puang a, game trailer a dah chhuak tel nghal bawk.

FAU-G hi nikum October-a tlangzarh an tum tawh kha a ni a, mahse an tum hunah hian an tlangzarh thei lo a, thla hmasa aṭang khan Google Play-ah pre-registration a tih theih chauh a ni. He game hi Bengaluru-a hmunpui nei nCore Games siam a ni a, anni hian he game aṭanga an sum hmuh chhuah 20% chu sorkar laipui Bharat Ke Veer initiative tan an pe dawn tih an lo sawi tawh nghe nghe.