Taylor Swift vangin 'New Heights' podcast a crash

Taylor Swift chuan Thawhlehni liam taa album a tihchhuah tur a puan hnuah, a bialpa Travis Kelce-te unau podcast 'New Heights' aṭangin kimchang zawka tarlan tura tih niin, live stream en tum an tam avangin harsatna tawkin show a khaihlak zui. Live stream hi mi maktaduai 1.3 chuangin an en bakah, New Heights YouTube Channel subscriber pawh mtd 2.85 aṭangin mtd 2.91-ah a pun phah dawrh a ni.

New Heights podcast kaltlang hian Swift album thar “The Life of a Showgirl” kimchang tarlan a ni a, album cover art bakah tihchhuah hun tur October 3, pawh puanzar a ni nghal bawk. Swift hian a studio album 12-na tur hi Eras tour a kalpui laia a thil tawn hrang hrang aṭanga siam a nih thu tarlangin, a nun chhungril phawrh chhuahna a nih tur thu a sawi.

Hetih laiin album tihchhuah turah hian fan-te lo beisei lawk leh rin lawk ang ngeiin track 12 chauh a awm dawn tih leh bonus track a awm dawn loh thu podcast kaltlang hian a tarlang nghal.