Spotify leh Kobalt-in direct licensing deal siam

Audio streaming leh media service provider, Spotify leh independent rights management leh music publishing company Kobalt chuan direct licensing deal an siam tih Nilaini khan an puang. Spotify leh Kobalt chuan inremna an siam hun chhung hi a bithliah sawi loin kum eng emaw zat chhung atan a nih thu an sawi.

An thawhdunna hian U.S. a hla phuahtute thiamna, ṭangkaina, hlutna leh venhimna nasa zawk a pe dawn tih an sawi. Kobalt CEO Laurent Hubert chuan hla phuahtuten an phu tawk anga ṭha hlawh dik tak pek an nih theihna tura an hma lak dante sawiin, digital platform hrang hranga rimawi hman dan dik lantir thei progressive licensing model pawimawhna a sawi. Hla phuahtute dikna chanvo humhalh turin Spotify nen thawhdun zel an tum tih an sawi bawk a ni.