'World hacking contest' ah Korea thiam ber

Korean white hat hacker team, Maple Mallard Magistrates (MMM) chuan khawvel pum huapa hacking inelna buatsaih, Capture the Flag (CTF) competition-ah a zawna ṭum lina atan an champion. In elna hi karhmasa Ningani aṭanga Pathianni thleng khan DEFCON conference, Las Vegas-ah neih a ni.

Capture the Flag final round-ah hian computer security hacking hmanga in elna buatsaih a ni a, Korean team pali SuperDiceCode, Cold Fusion, Friendly Maltese Citizens leh champion MMM bakah finalist 12-te an in el. MMM chuan an thiamna world class skills hmangin hnehna changin, Korean team dang SuperDiceCode chu pathumna an ni bawk.

Final-a team palite hi Korea-a Ministry of Science and ICT leh Korea Information Technology Research Institute (KITRI)-in program a buatsaih Best of the Best (BoB) aṭanga inzir chhuakte an ni. Science and ICT minister Bae Kyung-hoon chuan "Cyberspace defence-naah a hmatawng a ding turin elite white hacker-te chu kan chher chhunzawm zel dawn a, an thiamna hmanga khawvel hmuha Korea an chawisanna hi kan chhuang hle a ni" a ti.